وجه أفريقيا رئيس التحرير: سحر رجب
مقالات مشابهة
سرقة ونش مترو الأنفاق من ميدان التحرير .
في ثمانينيات القرن الماضي، طالت أيدى
اللصوص مترو الأنفاق، وتم سرقة ونش كان يستخدم في عمليات حفر قطار الأنفاق (المترو) في ميدان التحرير، أحد أكثر ميادين القاهرة ازدحاما، وفروا به في شوارع العاصمة.
الشركة الفرنساوية لما بدأت الشغل جابوا عدد من الأوناش الحديثة، بدأوا الحفر والتكسير والحاجات دى بمعدات حديثة جدا والشغل ابتدى، الكل بيسابق الزمن عن المترو يتم انجازه فى المعاد المحدد .
وصحيت مصر، مصر كلها، على خبر فى كل الجرايد، خبر بيقول: “سرقة ونش مترو الأنفاق”.. سرقنا الونش.. آه إحنا سرقنا الونش” وأصبح الونش فص ملح ودابَ.
واختفى مترو الأنفاق من الجرايد خالص، والبلد كلها ركزت فى الونش اللى اتسرق، اتسرق إزاى، ومين سرقه، وراح فين، طب خباه فين يعنى؟؟
بس يا معلم.. الونش اتسرق واختفى ولحد النهاردة ماحدش يعرف الونش ده راح فين، ناس تقولك ده اتسيح واتباع حديد خردة، وناس تقولك لأ ده اتهرب بره مصر، اتهرب بره مصر إزاى، اسأل اتهرب بره مصر إزاى يا بابا ده ونش، يقولك دول المصريين جبابرة يعملوا أى حاجة.
راح الونش وفى عام 1987 تم افتتاح خط مترو الأنفاق الأول من رمسيس لحلوان، وبعدها بكام سنة افتتح الخط الثانى من رمسيس للمرج، وشوية بقى عندنا خط شبرا وخط الجامعة، وخط تالت ورابع جايين فى السكة.
عدت سنين كتير يا عمى، قربنا على 30 سنة، على افتتاح أول خط مترو أنفاق فى مصر، وماحدش لحد النهاردة عرف مين اللى سرق الونش.
كاتب مصري
