وجه أفريقيا رئيس التحرير: سحر رجب
مقالات مشابهة
وجه الرئيس عبدالفتاح السيسي، اليوم الثلاثاء، بضرورة تنفيذ برنامج ميكنة مؤسسات مصر بالكامل، حتى لو كلف الأمر 100 مليار جنيه.
وقال السيسي: “قولت للدولة من 3 أو 4 سنين ممكن تقدروا تعملوا ميكنة كاملة لكل الأنشطة لتحييد العمل البشري وإجراءاته، وعايزين 100 مليار جنيه، فحد يقولي 100 مليار جنيه تدفعهم في الميكنة، أقوله أيوة.. خلوا بالكم حق دولة زي مصر، حجم العمل لو مميكن ميكنة كاملة، كتير من الحاجات اللي بتعانوا منها وبتشوفوهوا مش هتبقى موجودة”.
وتابع الرئيس خلال تفقده ميناء الإسكندرية البحري وعمليات التطوير فيه، أن السبيل للقضاء على الفساد، هو “التعامل مع الماكينات وليس البشر”، حسب بوابة الأهرام المحلية.
وأشار السيسي إلى أن “الفساد مش هيتواجه غير كده”.
وتابع: “النقطة دي بالذات بتكلم فيها ليه؟ لأن احنا لما اتكلمنا ما دام النظام ده موجود في العالم، ما يدخلش عندنا ليه؟ اللي هو بيخاطب الشركة وما بينه وبين الشركة المصدرة والقائم بعملية الاستيراد، يبقا هو يبعلتي الشحنة قبل ما تتشحن من أصله بدل ما تيجي تتحط عندي في الميناء وتتساب وأنا اللي أتحمل المسؤولية، لا لا.. البضاعة قبل ما تتشحن من البلد المصدر، لازم يخاطبني عشان مش هتخش.. وبالمناسبة مش هديله موافقة بالدخول أصلا”.
وأضاف: “إجراء احنا بنعمله قد يكون صعب لكن بنعمل إجراءات الدنيا كلها بتعمله، وأحنا بنعمل اللي غيرنا سبقنا واحنا بنحاول نحصله، عشان نسهل على الناس ونضمن الحاجات اللي بتخش بلدنا فيها معايير واليوم لو في حاجة فيها مخاطر وكل ما هنسيطر على حركة دخول المنافذ المصرية هنقدر نحقق الحلم اللي شايفيونا زي المعايير العالمية والدول المتقدمة”.
